जिल्ला न्यूज । नेपालमा कोरोना भाइरस संक्रमितको संख्या ११ लाख नाघेको छ ।
स्वास्थ्य तथा जनसंख्या मन्त्रालयको तथ्याङ्क अनुसार सोमबार दिउँसोसम्म नेपालमा कोरोना संक्रमित हुनेको कूल संख्या ११ लाख २ हजार २५९ पुगेको हो ।
नेपालमा हालसम्म ६२ लाख ७८ हजार ७४८ जनामा कोरोना परिक्षण गरिएको छ । परिक्षण गरिएकामध्ये ५२ लाख ८३ हजार ३७२ जनाको पीसीआर र ९ लाख ९५ हजार ३७६ जनाको एन्टीजेन विधिबाट स्वास्थ्य परिक्षण गरिएको थियो ।
नेपालमा कोरोना परिक्षण गरिएकामध्ये १७.५५ जनामा संक्रमण पुष्टी भएको स्वास्थ्य मन्त्रालयको तथ्याङ्कले देखाउँछ ।
मन्त्रालयका अनुसार हालसम्म नेपालमा रहेका कोरोना संक्रमतिमध्ये ९ लाख १५ हजार ४८९ जना निको भइसकेका छन् । नेपालमा कोरोना निको हुने दर ९४.६ प्रतिशत रहेको मन्त्रालयले जनाएको छ ।
कोरोना भाइरस संक्रमणका कारण हालसम्म नेपालमा ११ हजार ८२७ जनाको ज्यान गएको छ । नेपालमा कोरोनाका कारण हुने मृत्युदर १.३ प्रतिशत रहेको छ । अर्थात संक्रमितमध्ये १.३ प्रतिशतको मृत्यु भएको छ ।
विश्वमा पहिलो पटक कोरोना भाइरस सन् २०१९ डिसेम्बर अन्तिम साता चीनको वुहानमा देखिएको थियो । त्यसपछि यो विश्वभर फैलिएको हो ।
नेपालमा कोरोना भाइरसको पहिलो संक्रमित २०७६ माघ महिनामा भेटिएका थिए । त्यसपछि आजसम्म नेपालमा कोरोना संक्रमितको कूल संख्या ११ लाख नाघेको हो ।
